Чулман

КАМА TYRES nерриториясен җыештыру һәм төзекләндерү эшенә юлланган хезмәткәрләр өчен хезмәтне саклау буенча БЕЛЕШМӘЛЕК 1. Инструктаж:  эшне башлар алдыннан максатлы инструктаж узыгыз һәм җаваплы кешедән эш алыгыз. 2. СИЗ: тыгыз табанлы ябык аяк киеме, эш перчаткалары, яктылыкны кайтару жилеты (юл янәшәсендә эшләгәндә) һәм баш киеме. 3. Эш коралы: инвентарьның төзеклеген тикшерегез (саплары шома, ярыкларсыз; металл – кылчыксыз булырга тиеш); сабы сынган эш коралын кулланмагыз. 4. Куркынычсызлык: – тырма, сәнәк һәм көрәк белән эшләгәндә дистанция саклагыз – алда һәм артта эшләүче белән ара 2 метрдан да ким булмасын; – авыр әйберләрне күтәргәндә аякларыгызны тездән бөгегез, арка туры булырга тиеш, үз мөмкинлегегездән авыррак әйбер күтәрмәгез; – ачык люк, чокыр янәшәсендә һәм асылынып торучы коры ботаклар астында эшләмәгез; – кушылганны һәм инструктаж вакытында күрсәтелгәнчә эшләргә; – юл кырыенда эшләгәндә йөзегез белән транспортка таба басыгыз, яктылык кайтару жилеты киегез, эш коралын транспорт йөри торган юлда калдырмагыз. 5. Кәеф: – исерек килеш һәм үзегезне начар хис иткәндә эшкә керешмәгез. – ял тәнәфесләре ясагыз. 6. Эш тәмамлану: эш коралларын җыеп, территорияне чүп-чардан чистартыгыз; эш тәмамлангач кулларны сабын белән юарга. 7. Хәвеф-хәтәр яки бәхетсезлек очрагында: – кичекмәстән эшне туктатырга һәм җитәкчегезгә хәбәр итәргә; – кемдер җәрәхәтләнсә, беренче ярдәм күрсәтергә (әгәр белсәгез), ашыгыч ярдәм чакыртыгыз (112 яки 103кә шалтыратыгыз), җаваплы кешегә хәбәр итәргә; – янгын чыкса, 112 яки 101гә шалтыратырга. #КАМАTYRES #Белешмәлек #ХезмәтнеСаклау #Өмә #ЭшКоралы #Инструктаж

КАДРЛАР СӘЯСӘТЕ: мастер-класс 🔩 Детальне ничек цифр модельгә әйләндерергә? 10нчы, 16нчы, 22нче мәктәпләрнең югары сыйныф укучылары һәм НИТ студентлары НХТИда узган 3D-модельләштерү буенча мастер-класста әлеге сорауга җавап тапты. Ә гадәти булмаган дәресне KAMA TYRESның корпоратив культураны үстерү һәм яшьләр сәясәте бүлеге начальнигы Ольга Прокопьева һәм профориентация буенча белгеч Рөстәм Сәлахетдинов уздырды. 🔍Очрашу экскурсия белән башланды, аннары НТЦ инженер-конструкторы Даниил Аверин 3D-сканерда эшләү осталыгын күрсәтте. КТ конструкторлары детальләрне әлеге акыллы техника ярдәмендә цифрлы аналогларын “тудыра” һәм аларны сызымнар ясаганда куллана. Даниил Аверин: Сканер детальнең цифрлы күчермәсен төгәл төшерә. Хәтта документлары булмаган катлаулы һәм тузган детальләр дә җиңел цифрлаштырыла. Безнең өчен бу зур ярдәм: катлаулы детальнең 3D-моделен алырга, аннары җитештерү участогына җибәрергә мөмкин. 🖥️ Теориядән соң укучылар үзен конструктор ролендә сынапк арады.  Әлбәттә, дулкынландылар, борчылдылар, ләкин кызыксыну хисе барысыннан да көчлерәк иде. Алексей Топоров, 22 нче гимназиянең 11нче сыйныф укучысы: Югары технологияләр, алар артында киләчәк. Шушыңа охшаш биремне башкарганым булды, бу юлы да килеп чыгар, дип уйлыйм. Киләчәктә инженер-җылылык технигы буласым килә. 👩‍🎓 Ә менә 16нчы мәктәпнең унынчы сыйныф кызлары Рәмилә Калимуллина һәм Динара Фәрдиева катлаулы техника алдында каушап калды, ләкин үзләрен тик кулга алдылар. Киләсе елда физика һәм математикадан БДИ тапшырырга планлаштыралар, ә киләчәктә үзләрен инженер-энергетиклар итеп күрәләр. Рөстәм Сәлахетдинов: Мондый мастер-класслар –техника белән танышу гына түгел. Мәктәп укучылары сканер белән үз куллары белән эшләгәндә һәм идеянең модельгә әйләнүен күргәндә, аларда инженерлык фикерләве формалаша һәм үз көчләренә ышаныч барлыкка килә. Шул рәвешле, без аларга сәнәгать предприятиеләре өчен кирәкле һөнәрләрне аңлы рәвештә сайларга ярдәм итәбез. 📈 Хезмәт базарында «технарьлар»га ихтыяҗ елдан-ел арта, дип ышана НХТИның нефть химиясе синтезы кафедрасы доценты һәм профориентация эше җитәкчесе Раушан Агамов. Яшьләрнең техник белгечлекләр белән кызыксынуы да арта. Аның сүзләренчә, 2025 елда Түбән Кама вузына мәктәп тәмамлаучыларны кабул итү 25 процентка артк6ан, шулай ук 250дән артык кеше техникум һәм көллиятләрдән соң югары белем алырга килгән. #KAMATYRES #НХТИ #Профориентация #КиләчәкИнженерлары